एसटी प्रवर्गाच्या आरक्षणासाठी, मोताळ्यात धनगर समाजाचा रास्ता रोको..

लोकप्रिय मराठी न्युज नेटवर्क

मोताळा: धनगर समाजाला एसटी प्रवर्गाचे आरक्षण मिळावे यासाठी सकल धनगर समाज मोताळा तालुक्याच्या वतीने बसस्थानक चौकामध्ये रास्ता रोको आंदोलन करण्यात आले आहे.धनगर समाजाला एसटी प्रवर्गाचे आरक्षण मिळालेच पाहिजे अशा घोषणांनी परिसर दणाणून सोडला होता.
यावेळी काहीकाळ वाहतूक ठप्प झाली होती.यानंतर तहसीलदार यांच्यामार्फत मुख्यमंत्र्यांना निवेदन देण्यात आले आहे.

निवेदनात नमूद केले आहे की, धनगर समाजाच्या आरक्षणाचा प्रश्न गेल्या कित्येक वर्षांपासून प्रलंबित आहे. डॉक्टर बाबासाहेब आंबेडकरांनी घटनांमध्ये धनगर समाजाला 36 नंबरला एसटी प्रवर्गाच्या आरक्षण दिले आहे मात्र सरकारने अद्याप पर्यंत या आरक्षणाची अंमलबजावणी केली नाही. आमचे सरकार आल्यास पहिल्या कॅबिनेट मध्ये धनगर समाजाला एसटीचे आरक्षण देऊ असे मुख्यमंत्री देवेंद्र फडणवीस यांनी धनगर समाजाला शब्द दिला होता मात्र दहा वर्षे उलटूनही मुख्यमंत्री फडणवीस शब्द पाळायला तयार नाही. दरम्यान सरकारला आरक्षणाची जाग येण्यासाठी मोताळा तालुका सकल धनगर समाजाच्या वतीने रस्ता रोको आंदोलन करण्यात आले व लवकरात लवकर धनगर समाजाला एसटी प्रवर्गाचे आरक्षण लागू करावे अन्यथा येणाऱ्या काळात एकाही मंत्र्याला महाराष्ट्रात फिरू देणार नाही असा इशारा यावेळी निवेदनातून देण्यात आला आहे सदर निवेदनावर,गोपाल काटे,रमेश धनके,शांताराम वाघ,शरद काळे,संदीप सहावे,रामेश्वर काळंगे, एकनाथ आयनर,दिलीप बिचकुले,दीपक बिचकुले, बाबुराव सोन्नर,विजय सोन्नर, दगडू आयनर, सुनील कोल्हे,विजय खोदले,नंदू खोदले,कैलास सुशीर,अनिल गोंदले, योगेश जुमडे,सतीश कचोरे,अरविंद कचोरे,शिवा लवंगे,शिवदास सहावे,राजू सावळेविशाल धनके,मधुकर धूनके,गजानन चऱ्हाटे, देविदास गोयकर,संजय येळे,वासुदेव शिंदे,मिलिंद जयस्वाल,दगडू आयनर,अंबादास चाटे विठ्ठल सोन्नर, सावकार बिचकुले, दगडू पिसाळ,पांडुरंग बिचकुले,गजानन धनके,लहू सुरळकर,ज्ञानेश्वर गोराळे, मोहन कारंडे, सिताराम बोरकर धनराज धनके अमित वसतकार संजय कचरे अजय कचोरे,सागर वाघ,शिवा काटे, सचिन सुसरे,अनिल सावळे,सुनील कचोरे,गजानन सावळे,राहुल काटे,संतोष सोनवणे,संदीप जुमळे,मंगेश कचोरे,एकनाथ सहावे, शिवा लवंगे,सोपान काटे,दिलीप सहावे यांच्यासह अनेक समाज बांधवांच्या स्वाक्षऱ्या आहेत.