मालवाहू पिकअप वाहनाने दुचाकी स्वरांना उडविले,एकाच मृत्यू तर दोघे जखमी
लोकप्रिय मराठी न्यूज नेटवर्क
बुलढाणा: भरधाव मालवाहू पिकअप वाहनाने दुचाकी स्वरांना उडविल्याने एक दुचाकीस्वार युवकाचा जागीच मृत्यू होवून दोघे गंभीर जखमी झाल्याची घटना आज शनिवारी संध्याकाळी देऊळघाट मार्गावर रात्री ७:४५ वाजेच्या सुमारास घडली. २७ वर्षीय रवी रामेश्वर गिरी असे अपघातात मृत झालेल्या तरुणाचे नाव आहे. गणेश रामदास दांडगे (२६ वर्ष), भागवत विलास पवार (२६ वर्ष) अशी गंभीर जखमी झालेल्या दोघांची नावे आहेत. तिघेही दहिद खू. येथील रहिवासी आहेत.
आपल्या कामानिमित्त बुलढाणा शहरात आलेले रवी रामेश्वर गिरी,गणेश रामदास दांडगे,भागवत विलास पवार हे तिघे दुचाकी क्र. एमएच २८ एएल ३४४६ ने घराकडे दहिद खु. निघाले होते, बुलढाणा शहरातील धाड नाका परिसरात वळण घेतल्यानंतर काही अंतरावरच समोरुन येणाऱ्या एमच २१ बीएच ६६९५ क्रमांकाच्या पीकअप वाहनाने त्यांना उडविले.दुचाकी जोरदार उडवल्याने दुचाकी चालविणारा रवी गिरी याचा जागीच मृत्यू झाला.तर गणेश दांडगे,भागवत पवार हे जखमी झाले आहे.माहिती मिळताच बुलढाणा शहर पोलीस स्टेशनचे सहाय्यक पोलीस निरीक्षक राजपूत व इतर कर्मचाऱ्यांनी घटनास्थळी धाव घेत मृतकासह जखमींना सामान्य रुग्णालयात नेण्यात आले.
