💥BREAKING NEWS💥 बुलढाण्यात चॉकलेटचे आमिष दाखवून ८ वर्षांच्या निष्पाप बालिकेवर लैंगिक अत्याचार; ६० वर्षीय नराधम टपरीचालकाला अटक; पोक्सोसह बीएनएस अंतर्गत गुन्हा दाखल; संतप्त नागरिकांची टपरीवर दगडफेक!

लोकप्रिय मराठी न्युज नेटवर्क

​बुलढाणा: चॉकलेटचे आमिष दाखवून आठ वर्षांच्या निष्पाप बालिकेवर लैंगिक अत्याचार करणाऱ्या ६० वर्षीय टपरीचालक नराधामला बुलढाणा शहर पोलिसांनी बेड्या ठोकल्या आहेत. या विकृत कृत्यामुळे शहरात तीव्र संताप व्यक्त होत असून, पोलिसांनी आरोपीविरुद्ध भारतीय न्याय संहिता (BNS) आणि बालकांचे लैंगिक अत्याचारापासून संरक्षण (POCSO) कायद्यान्वये गुन्हा दाखल करून त्याला गजाआड केले आहे.​शेख मोहम्मद पीर मोहम्मद (वय ५९, रा. जोहर नगर, बुलढाणा) असे अटक करण्यात आलेल्या आरोपीचे नाव आहे.

दरम्यान, या संतापजनक घटनेची माहिती पसरताच काल रात्री नागरिकांचा संताप अनावर झाला आणि संतप्त जमावाने आरोपीच्या टपरीवर जोरदार दगडफेक केली. यामुळे घटना परिसरात काही काळ मोठा तणाव निर्माण झाला होता. घटनेची माहिती मिळताच पोलिसांनी तातडीने धाव घेत परिस्थितीवर नियंत्रण मिळवले.

​मिळालेल्या माहितीनुसार, बुलढाणा शहरातील रहिवासी असलेली ८ वर्षांची बालिका दि. २३ ऑक्टोबर रोजी सायंकाळी सुमारे ७ वाजेच्या सुमारास आरोपीच्या टपरीवर कुरकुरा आणण्यासाठी गेली होती. त्यावेळी आरोपी शेख मोहम्मद याने तिला चॉकलेट देण्याचा बहाणा करून दुकानात बोलावले. दुकानात नेऊन त्याने बालिकेचा विनयभंग करत तिच्यावर लैंगिक अत्याचार केला. तसेच घडलेला प्रकार कोणाला सांगितल्यास “तुला मारेन” अशी धमकी देऊन तिला तिथून हाकलून दिले.

​घाबरलेल्या बालिकेने घरी जाऊन पालकांना सर्व हकीकत सांगितली. घटनेचे गांभीर्य ओळखून कुटुंबीयांनी तातडीने बुलढाणा शहर पोलीस ठाणे गाठून तक्रार नोंदवली. ​या फिर्यादीवरून पोलिसांनी २४ ऑक्टोबर रोजी रात्री उशिरा आरोपीविरुद्ध गुन्हा क्र. १०६५/२०२६ नुसार भारतीय न्याय संहिता (BNS) कलम ७४, ७५, ३५१ (२) सह पोक्सो कायदा कलम ८ आणि १२ अन्वये गुन्हा दाखल केला. गुन्हा दाखल होताच पोलिसांनी तत्परता दाखवत आरोपी शेख मोहम्मद पीर मोहम्मद याला अटक केली आहे. ​

-आरोपीच्या टपरीवर दगड फेक पोलीस बंदोबस्त तैनात-

दरम्यान, एका चिमुरडीवर अशा प्रकारे अत्याचार झाल्याची माहिती पसरताच काल रात्री नागरिकांमध्ये तीव्र संतापाची लाट उसळली. आरोपीच्या टपरीवर संतप्त जमावाने जोरदार दगडफेक केली. यामुळे परिसरात मोठा तणाव निर्माण झाला होता. घटनेचे गांभीर्य ओळखून बुलढाणा शहर पोलीस तातडीने घटनास्थळी दाखल झाले आणि त्यांनी जमावाला शांत करत परिस्थितीवर पूर्णपणे नियंत्रण मिळवले. सध्या परिसरात शांतता असून बुलढाणा शहर ठाणेदार संग्राम पाटील हे परिस्थितीवर लक्ष ठेवून आहेत.

​या संवेदनशील प्रकरणाचा पुढील तपास बुलढाणा शहर ठाणेदार संग्राम पाटील यांच्या नेतृत्वात बुलढाणा शहर पोलीस ठाण्याच्या महिला पोलीस उपनिरीक्षक सुषमा पाटील करत आहेत.